Event Info
Yn dathlu 250 mlynedd ers eu geni, mae'r ffilm ddogfen newydd hon, na ddylid ei methu, yn ystyried bywydau a gwaith cydblethedig Turner a Constable ochr yn ochr ag arddangosfa arloesol y Tate.
‘Roedd dau o baentwyr mwyaf Prydain, J.M.W. Turner a John Constable, hefyd yn gystadleuwyr mwyaf. Wedi'u geni o fewn blwyddyn i'w gilydd, defnyddiodd y ddau baentio tirwedd i adlewyrchu'r byd newidiol o'u cwmpas. ‘Nawr, mae'r mawrion yn ailymuno. Mae Tate Britain yn dod â nhw at ei gilydd ar gyfer arddangosfa arloesol, yn Llundain o Dachwedd 2025 i Ebrill 2026, ac mae gan Exhibition on Screen fynediad unigryw a breintiedig unwaith eto i ddod â'u celfyddyd eithriadol a'u straeon rhyfeddol i'r sgrîn fawr ym mis Mawrth fel y gallwch fwynhau'r ffilm a'r arddangosfa gyda'i gilydd. Darganfyddwch ochrau annisgwyl i'r ddau artist gyda chipolygon agos-atoch ar lyfrau braslunio ac eitemau personol a mewnwelediadau gan arbenigwyr blaenllaw.
Bu machludau haul llachar Turner a golygfeydd godidog o'i deithiau, a darluniau delfrydoledig Constable o lefydd ymhell o gartref, yn chwipio cyhoedd y cyfnod i gyflwr o wallgofrwydd brwdfrydig. Mae Constable yn cynrychioli'r gorau oll o'r hen ysgol o realaeth a hiraeth bugeiliol; Turner, ffordd newydd gyffrous o bortreadu emosiwn ac argraffiadau breuddwydiol. Cymharodd beirniaid eu harddulliau gwahanol iawn i wrthdaro rhwng 'tân a dŵr'. Peidiwch â cholli'r cyfle hwn i weld y mawrion hyn ochr yn ochr, fel yr oeddent mor aml mewn bywyd, ar y sgrîn fawr am y tro cyntaf.
Mae'r sgriniad hwn yn cynnwys trafodaeth wedi'i ffilmio rhwng y cyfarwyddwr a ***, sy’n cynnig cipolwg pellach ar fywydau ac etifeddiaeth yr artistiaid rhyfeddol hyn.
96 munud, dim hysbysebion.
Tocynnau £11.50.
