Event Info
Mae dyfodiad babi newydd yn dynodi dechrau taith hir, brydferth a blêr. Ymunwch â ni yn yr Ôl Barti, man llawenydd, gorffwys, undod a hwyl wrth i ni ddathlu a chefnogi ein gilydd trwy daith hir a thrawsnewidiol bod yn rhiant.
Gan gyfuno cerddoriaeth leisiol hardd a dyrchafol ensemble HurlyBurly gyda byd aml-synhwyraidd chwareus ac ymdrochol, mae'r profiad hwn yn cynnig amser a lle i deuluoedd newydd ymlacio gyda'i gilydd tra bod y perfformiad rhyngweithiol yn treio ac yn llifo o'u cwmpas.
Wedi'i hysbrydoli gan ryddid a chwilfrydedd greddfol plant ifanc iawn a'u talent i droi'r byd wyneb i waered, mae After Party yn gwahodd rhieni i groesawu anhrefn y blynyddoedd cynnar a dilyn eu plant i fyd o drawsnewid a rhyfeddod lle mae pob sŵn, codwm, a chyrhaeddiad yn dod yn rhan o'r perfformiad.
Mae After Party yn berfformiad hamddenol i blant 0-2 oed lle mae pawb yn rhydd i ddod fel ag y maent ac i aros cyhyd ag y dymunant.
Canllaw Oedran: 0 - 2 oed
Rhediad: 90 munud dim toriad (Mae hwn yn sioe hamddenol, felly mae'r gynulleidfa yn gallu dod a mynd fel y mynnir)
Anghenion Mynediad: A wnewch chi gysylltu â ni os oes gennych unrhyw anghenion mynediad a fyddai’n gofyn am seddi addas, neu os oes angen lle priodol i gadair olwyn yn yr awditoriwm.
