Event Info
Cynhyrchiad Theatr Cymru
Huw Fyw
Gan Tudur Owen
Dyma stori gwir (wel, gwir-ish) am Huw – neu Huw Fyw fel mae pawb yn ei alw fo, ers i’r Huw arall yn y pentra’ farw yn yr Ail Ryfel Byd.
Dydi Huw Fyw ddim yn coelio mewn ffawd. A dydi o ddim yn coelio mewn gwenu chwaith… na gwastraff nac unrhyw beth sy’n gofyn iddo godi o’i gadair. Ond ar ôl tro lwcus, mae Huw yn cychwyn ar antur fythgofiadwy o’i bentra’ bach i ganol Llundain; antur fydd yn newid cyfeiriad ei fywyd am byth ac yn dysgu iddo sut i fyw at heddiw.
Yn dilyn galw mawr, mae Huw Fyw yn ôl ar daith i gynnig cyfle arall i gynulleidfaoedd fwynhau drama lwyfan gyntaf Tudur Owen – drama ddoniol a thyner am obaith, diogi a sut mae ’neud 4 panad gydag un bag te!
Cysylltwch a'r Swyddfa Docynnau i gael gostyngiad 10% am Cynllun SIARAD
Cysylltwch a'r Swyddfa Docynnau i gwneud archeb Ysgol Uwchradd:
(Plentyn £10 / Athrawon am ddim i bob 10 plentyn.
Canllaw Oedran: 12+ oed
Rhediad: 90 munud dim toriad
Iaith y perfformiad: Cymraeg
Hygyrchedd: Bydd capsiynau caeedig Cymraeg a Saesneg ar gael drwy gyfrwng yr ap Sibrwd
Canllawiau Cynnwys: Yn cynnwys iaith gref, themâu aeddfed a chyfeiriadau at ryfel, euogrwydd goroesi ac Anhwylder Straen Wedi Trawma (PTSD). Bydd synau ergydion a gweiddi yn ystod y perfformiad.
Anghenion Mynediad: A wnewch chi gysylltu â ni os oes gennych unrhyw anghenion mynediad a fyddai’n gofyn am seddi addas, neu os oes angen lle priodol i gadair olwyn yn yr awditoriwm.
