Event Info
Canllaw Oedran: 14+ oed
Rhediad: 50 munud/toriad 20 munud/50 munud
Adverse Camber Productions
Gan Daniel Morden, Hugh Lupton a Sarah Lianne Lewis
Straeon am y sêr wedi'u hadrodd i drac sain electro-acwstig
Ail-ddychmygu mawreddog, personol a hypnotig o chwedlau Groegaidd sy'n cyfuno straeon hynafol, tafluniadau cosmig a seinwedd electro-acwstig iasol.
Teithiwch i awyr y nos gyda straeon sydd wedi goleuo'r tywyllwch ers miloedd o flynyddoedd. Daw chwedlau Groegaidd o gytserau yn fyw gan ddau o fawrion adrodd straeon y DU, Hugh Lupton a Daniel Morden. Dewch i brofi straeon pwerus, hynafol gyda seinwedd electro-acwstig gyffrous gan y cyfansoddwr Sarah Liane Lewis a thafluniad cosmig. Plymiwch i antur gyfareddol a gwirioneddol hudolus. Gwyliwch y duwiau’n chwarae'n ddidrugaredd gyda marwolion gyda straeon o chwant, balchder ac angerdd. Bydd y cyfan yn eich gadael ar bigau’r draen eisiau darganfod mwy...
Daw awyr y nos epig â phersbectif cosmig, tragwyddol i drafferthion dynol, gan gynnig cysur sy’n fawr ei angen yn y dydd sydd ohoni.
Gyda chefnogaeth Theatrau Sir Gâr, Cyngor Celfyddydau Cymru, Cronfa Dreftadaeth y Loteri Genedlaethol, Sefydliad Colwinston, Ymddiriedolaeth Darkley, Llywodraeth Cymru, Partneriaeth Prosiect Nos a People Speak Up.
Comisiynwyd Stars and their Consolations yn wreiddiol ar gyfer Beyond the Border 2021 a chefnogwyd y cyfnod ymchwil a datblygu gan Gyngor Celfyddydau Cymru a Thŷ Cerdd gyda chefnogaeth gan Theatrau Sir Gâr.
Yr hyn a ddywedodd cynulleidfaoedd o'r blaen..
"Fe wnaeth fy nenu o'r cychwyn cyntaf, cefais fy nghyfareddu’n llwyr."
"Cefais fy syfrdanu gan y gwaith – mi roedd yn gwbl ysbrydoledig."
"Fe wnaeth i mi fod eisiau darganfod mwy am y chwedlau y tu ôl i'r straeon... byddaf yn chwilio amdanynt!"
Iaith y perfformiad: Saesneg
Gwybodaeth Mynediad: BSL ( Cyfieithydd BSL Cathryn McShane )
Canllawiau Cynnwys: Mae straeon duwiau a marwolion yn cynnwys cyfeiriadau at fygythiad, trais a thrais rhywiol
Anghenion Mynediad: A wnewch chi gysylltu â ni os oes gennych unrhyw anghenion mynediad a fyddai’n gofyn am seddi addas, neu os oes angen lle priodol i gadair olwyn yn yr awditoriwm.
